പഴം കൊണ്ട് ആവിയിൽ വേവിക്കുന്ന ഈ പഞ്ഞി അപ്പം എത്ര കഴിച്ചാലും മതിയാകില്ല; പുത്തൻ പലഹാരം.!! | Banana Panji Appam recipe malayalam

Banana Panji Appam Malayalam : ഇന്ന് നമ്മൾ ഇവിടെ തയ്യാറാക്കാൻ പോകുന്നത് ഒരു അടിപൊളി അപ്പത്തിന്റെ റെസിപ്പിയാണ്. നമ്മുടെ വീട്ടിലുള്ള സാധാരണ ചേരുവകൾ ഉപയോഗിച്ച് ഉണ്ടാക്കാവുന്ന ടേസ്റ്റിയായ ഒരു അടിപൊളി പഞ്ഞിയപ്പം ആണിത്. ഇത് തയ്യാറാക്കാനായി ആദ്യം ഒരു ബൗളിലേക്ക് പഴം ചെറിയ കഷ്ണങ്ങളാക്കി ഇടുക. പഴം നമുക്ക് ഏത് വേണമെങ്കിലും എടുക്കാവുന്നതാണ്.

ചെറുപ്പഴമോ, റോബസ്റ്റാ പഴമോ അല്ലെങ്കിൽ നേന്ത്രപ്പഴമോ ഏതായാലും മതി. എന്നിട്ട് ഒരു മാഷെർ ഉപയോഗിച്ച് പഴം നന്നായി ഉടച്ചെടുക്കുക. അല്ലെങ്കിൽ മിക്സി ജാറിൽ ഇട്ട് ഒന്ന് അടിച്ചെടുത്താലും മതി. ഇനി ഇത് ഒരു ബൗളിലേക്കാക്കുക. അതിനുശേഷം ഇതിലേക്ക് 2 കോഴിമുട്ട പൊട്ടിച്ചൊഴിച്ച് നല്ലപോലെ ബീറ്റ് ചെയ്തെടുക്കുക. അടുത്തതായി ഇതിലേക്ക് 2 1/2 tbsp പഞ്ചസാര ചേർത്ത് നന്നായി മിക്സ് ചെയ്യുക.

പിന്നീട് ഇതിലേക്ക് 1 1/2 കപ്പ് ഗോതമ്പുപൊടി, 1/2 tsp ബേക്കിംഗ് പൗഡർ, 1 നുള്ള് ഉപ്പ് എന്നിവ അരിപ്പയിൽ അരിച്ച് ചേർക്കുക. അതിനുശേഷം എല്ലാംകൂടി നല്ലപോലെ ഒരു കയിലുകൊണ്ട് മിക്സ് ചെയ്തെടുക്കുക. പിന്നീട് ഇതിലേക്ക് 1/2 tsp വാനില എസൻസ് അല്ലെങ്കിൽ 2 ഏലക്കായയുടെ കുരു ചതച്ചത് ചേർത്ത് നന്നായി യോജിപ്പിച്ചെടുക്കുക. അങ്ങിനെ പഞ്ഞിയപ്പത്തിനുള്ള ബാറ്റർ ഇവിടെ റെഡിയായിട്ടുണ്ട്.

ഇനി നമുക്കിത് നല്ലപോലെ ആവിയിൽ വേവിച്ചെടുക്കാനായി കപ്പ് കേക്കിൽ സെറ്റ് ചെയ്യാം. അതിനായി ഉണ്ടാക്കുന്ന പാത്രത്തിൽ അൽപം നെയ്യോ അല്ലെങ്കിൽ എണ്ണയോ തടവികൊടുക്കാം. എന്നിട്ട് പാത്രത്തിലേക്ക് ബാറ്റർ ഒഴിച്ചുകൊടുക്കാം. അതിനുശേഷം ഇത് ആവിയിൽ വേവിച്ചെടുത്താൽ ടേസ്റ്റിയായ പഞ്ഞിയപ്പം റെഡി. Video credit: Mums Daily